Ikasleentzat ordutegi berezia

Maiatzaren 13tik ekainaren 15era arte instalazioak egokitu egingo dira, ikasteko espazio eskaerari erantzuteko.

Arrigorriagako Bibliotekek ordutegia egokitu dute astelehenetik aurrera, maiatzak 13. Horrez gain, herriguneko ikasgela astelehenetik larunbatera egongo da zabalik. Aste barruko ordutegia 9:00etatik 21:00etara artekoa izango da etenik gabe, eta larunbatetan, berriz, 9:00etatik eguerdiko 13:45eak arte.

Abusun ere, ordutegia luzatuko da unibertsitateko azterketak direla eta. Astelehenetik ostiralera, 9:00etatik 20:45era eta larunbatetan 9:00etatik 13:45etara zabalduko dugu.

Txango literarioa

Maiatzaren 4ean getxoko historiagole eta idazlea Julen Lezamizek Abusuko Bibliotekako txangoa gidatuko du El Angel custodio (EC.O ediciones cívicas) eleberrian agertzen diren tokietatik.

Bisita 11:00etan hasiko da Abandon eta Bilboko Zazpi kaleetan amaituko da, “Tríptico de guerra” trilogiaren bere lehen thriler historikoaren parajeak antzeman eta gero.

El ángel custodio es un agente especial enviado a Bilbao por las autoridades franquistas durante la Guerra Civil para que actúe sólo en casos de extrema gravedad. Su misión consiste en desestabilizar la retaguardia y crear el caos en la ciudad.

Bigarren urtez atolatzen dugu Abusuko Bibliotekan bisita literarioa irakurle klubeko ikasturteari amaiera emateko. Irakurle taldeak dozenatik gora partaide biltzen ditu ikasturtean zehar eta sei urteko ibilbidea egin du onez gero. Zita honetan interesa duen edonork eman dezake izena maiatzaren 2ra arte, Bibliotekan.

Ipuin kontaketa musikatua Arrigorriagako herriguneko Bibliotekan

Apirilaren 12an, arratsaldeko 18:00etan, ipuin kontaketa saio berezia izango dugu Herriguneko Bibliotekan Intxixu Valbuena eta Ana Apika-ren eskutik.

Ipuin musikatuen saio honetan, hitzek eta notek elkarrekin egingo dute dantza. “Ipuinak dantzan” ikuskizunean, Intxixu Valbuena musikariak gitarra elektrikoa jo eta hainbat kantu abestuko ditu, eta Ana Apika kontalariak, berriz, musikaz lagundutako istorioak kontatuko ditu.

Gonbidapenak apirilaren 8tik aurrera Herriguneko Bibliotekan bananduko dira.

Lasai egoteko, eta aldi berean, ondo pasatzeko saio dibertigarri haur eta familientzat

Mikrokontakizunak erakusleihoetan eta ipuinak liburutegian

Aurreko urteetan bezala Abusuko Bibliotekak bat egiten du Abusuko Kultur Astearen XIII. edizioko ekimenekin, bere esparruaren barruan, hainbat jarduera antolatuz. Aurten idazketa tailerrean sortutako mikrokontakizunak auzoko dendetako dozena bat erakusleihoetan ikusi ahal izango dira. Denda bakoitzarentzat propio sortutako testuak dira. Ekimenak tailerreko partaideen lana erakusteaz gain komertzio eta literaturaren artean zubiak erakitzeko balio du. Elkarlanak idazleak ez ezik euren
erakusleihoak utzi dituzten dendariak ere animatu ditu, lehen aldia baita horrelako ekimen batean parte hartzen dutena.

Beste alde batetik, apirilaren 3an, Abusuko Bibliotekan Inés Bengoak “Kamishibai ipuinak” eskainiko ditu lau urtetik gorako umeentzat. Kamishibaik japonieraz paperezko antzerkia esan nahi du eta aintzinean herrialde hartan sortu zen ipuinak kontatzeko modu bat da. 17:30ean izango da Liburutegian.

Ipuin kontaketa musikatua Arrigorriagako herriguneko Bibliotekan

Martxoaren 15ean, arratsaldeko 18:00etan, ipuin kontaketa saio berezia izango dugu Herriguneko Bibliotekan Sorgina Txirulina-ren eskutik.

“Hunkipuinak: emozioei buruzko istorioak” saioa 3 eta 5 urte bitarteko txikientzat da, heldu batek lagunduta. Erica Liquetek, Sorgina Txirulina pertsonaiaren atzetik dagoen ipuin kontalariak, kontakizun hau zeharkako txirulaz baliatuz kontatzen du eta emozioak lantzen ditu: haserrea, norberanganako konfiantza, poztasuna,…

Gonbidapenak martxoaren 11etik aurrera Herriguneko Bibliotekan bananduko dira.

Berdintasunerako ipuinak

Kontu kantoi-ren eskutik helduko da Abusuko Bibliotekara “Baziren behin neska abenturazaleak eta mutil ameslariak” ipuin kontaketa saioa. Martxoaren 8, Emakumeen Nazioarteko Egunaren inguruko jardueren barruan, rol desberdinen gainean jarriko du arreta saioak. Eszenan bi lagun, bata ipuinak kontatzen eta bestea marrazkiak egiten, lau urtetik gorako haurrentzat. Ordu bat, neskak ere protagonista diren ipuinak entzuteko. Hitzordua martxoaren 7an izango da, 17:30ean, liburutegian.

Arrigorriagak lehen postua lortu du mailegu digitalean

ELiburutegiak 2018ko urtarriletik abendura bitartean azterketa egin ostean, Euskadiko Irakurketa Publikoko Sarearen (EIPS) liburutegien zerbitzuak emandako informazioaren arabera, mailegu digitalean Arrigorriagako udal-liburutegiek hartzen dute lehen tokia 10.000 biztanletik gorako herrietan, 1.000 biztanleko ia 50 mailegu eman baitituzte.

Irakur-ohituren gaineko datu horiek agerian jartzen dute eLiburutegia plataformari orain lau urte pasatxo abian jarri zenez geroztik Arrigorriagako irakurleek egin dioten harrera ona.

ELiburutegia eduki digitalak irakurtzeko aukera ematen duen plataforma da, dela Internet bidez, dela streaming, ordenagailu edo gailu mugikorren bidez. Aukera ematen du argitara eman diren azken lanak, literaturako klasikoak eta EIPSk hautatutako liburu ugari eskuratzeko. Orain, gainera, zinema, dokumentalak, kontzertuak, serieak eta film laburrak online ere ikus daitezke.

Arrigorriagako udal-liburutegietako bazkide izan eta zerbitzu hau erabili nahi izanez gero, sarbide-gakoak eskatu behar dira. Oraindik bazkide izan ez eta zerbitzu hau baliatzeko interesa dutenek bazkide-txartela eskatu beharko dute eta eLiburutegia plataformara sartzeko beharrezkoa duten informazioa emango zaie.

Jesús López Mindeguíak idatzitako liburuen aurkezpena Arrigorriagako herriguneko Bibliotekan

Arrigorriagako herriguneko Bibliotekan antolatzen diren literatura topaketen baitan Jesús López Mindeguiak idatzitako liburuen aurkezpena eta “Corchito” ipuin laburraren irakurketa izango dira.

Ekitaldia, datorren ostegunean, otsilaren 14an, izango da Kultur Etxea, 19:30etatik aurrera.

Ekitaldearen amaieran, idazleak liburuak sinatuko ditu.

“Txateko istorioak” Abusuko kultura-asteko literaturalehiaketa

Auzoko kultura-asteari begira, Abusu Sareak TXATEKO ISTORIOAK literatura-lehiaketaren oinarriak aurkeztu ditu. Aurkeztutako testuak txat-formatuan egon beharko dira idatzita, eta gai nagusia berdintasuna izango da. “Abusu berdintasunaren alde!” lelopean, zortzi urtetik gorako edozein pertsonak har dezake parte lehiaketan. Testuak aurkezteko epea otsailaren 28an amaituko da, eta, aurreko edizioetan bezala, irabazleei eta finalistei banatuko zaien saria Abusutik Guggenheimera bitarteko piragua-jaitsiera izango da. Jarduera hori kultura-astean zehar antolatuko da.

Lehiaketan parte hartzeko oinarriak Abusuko liburutegian eta Facebook orrian aurki daitezke.

Abusuko kultura-asteak jarduera ugari eskaintzen ditu urtero, Abusu Sareak elkarteekin, ikastetxeekin eta liburutegiekin batera antolatutakoak. Esan daiteke ekitaldi nagusia Liburu Azoka izan ohi dela.

Ipuin kontaketa musikatua Arrigorriagako herriguneko Bibliotekan

Otsailaren 1ean, arratsaldeko 18:00etan, ipuin kontaketa saio berezia izango dugu Herriguneko Bibliotekan Olga Sánchez eta Raúl de la Cruz-en eskutik.

“Koloretako munstroa” saioa 3 eta 5 urte bitarteko txikientzat da, heldu batek lagunduta. Kontakizun hau txikienek beren emozioak ezagutu eta adierazteko da. Emozioez eta munstroaren koloreez gain, hainbat musika-tresna izango dira, soinu harrigarrizkoak.

Gonbidapenak urtarrilaren 28tik aurrera Herriguneko Bibliotekan bananduko dira.