Irakurtzea plazerra da Eibarren, ezta?

Udal Liburutegiak aurtengo ikasturtean 10 irakurketa-talde antolatu eta kudeatu ditu; haietan 200 lagun baino gehiagok parte hartu dute eta egindako saioetan 30 liburu baino gehiago irakurri dira.

Irakurtzea plazerra da”. Hori egiaztatu dute ikasturtean zehar Juan San Martin Liburutegian egin diren 10 irakurketa-taldeetan parte hartu duten 208 pertsonek. Pertsona horiek ikusi dute plazerrez irakur daitekeela eta irakurketaz gozatu, eta ez duela zertan aisialdian bete beharreko obligazio bat izan. Jarduera hori, gainera, parteka daiteke, antzeko kultur kezkak dituzten pertsonekiko elkarrizketa partekatzeko.

Liburutegiak lortu nahi dituen helburuak jarduera hau antolatzean hauxek dira: literaturan interesa duten pertsonen arteko harremanak sustatzea; aukeratutako liburuen gaineko komentario-trukea bultzatzea; irakurleei beren lan pertsonala aberasteko aukera ematea, saio bakoitzean egiten diren iruzkin eta balorazioekin, izan norberarenak, izan dinamizatzailearenak, liburu-egilerarenak edo beste klubeko kideanak; klubeko kideekin eta dinamizatzailearekin obra baten irakurketan sakontzea, sarri irakurtzeko orduan ihes egiten digun hori bilatuz; eta antzeko zaletasunak dituzten pertsonekin liburutegia ezagutaraztea topo egiteko gune bezala. Hitz batez, literatura baloratzen ikastea eta, parte hartzaile txikienekin egindako taldeen kasuan, kalitatezko haur-literatura ezagutzen hastea eta ipuinak modu ezberdinean kontatzen ikastea.

Saioen dinamika

Helduen saioen dinamika hauxe da:

  • Sarrera bat egiten da eta liburuaren testuingurua aurkezten da (egilea, garaia, egoera…)
  • Ondoren, liburuaren azterketa objektibo bat egiten da. Alegia, pertsonaiak, espazioa, denbora… aztertzen dira. Hori guztia oso modu intuitibo eta arinean. Helburua da liburua hobeto ezagutzea, ez azterketa akademiko bat egitea.
  • Gero, bloke subjektiboa lantzen da. Parte hartzaile bakoitzaren sentsazioak, haien iritzia pertsonaiez, liburuaz, autoreaz, erabili diren teknikez.. Klubeko kideen iritziak trukatzen dira. Laburbilduz, nahi dena da parte hartzea eta eztabaida lortzea.
  • Saioan liburuaren egilea dagoenean aberastu egiten da  eta haren ahoz entzuten da zein izan den prozesu sortzailea liburua idaztean.

1 eta 6 urte bitarteko umeak dituzten 6 familia-taldeen dinamikari dagokionez, helburua da literaturara gerturatzea entzumen, ukimen, ikusmen, usaimen eta dastamenaren bidez.

Ipuin laburrak, poemak, hitz-jolasak… berreskuratzen dira eta liburuek eskain diezaguketen guztia aurkitzeko erabiltzen dira. Gainera, ahalegintzen gara irakurtzeko zaletasuna sustatzen eta, batez ere, familiei erakusten une dibertigarri eta aberasgarri bat izan daitekeela tarte bat izatea ipuinak irakurtzeko.

Talde horiek dinamizatzen dituen pertsona  Saroa Bikandi da. 

Liburuen irakurketa

Guztira, 32 liburu irakurri dira eta ipuin pila bat kontatu, 1 eta 6 urteko umeak dituzten familia-taldeetan.

Gu orduko haiek” (Garazi Arrula), “Ekaitza urrun” (Joanes Urkixo), “Oso” (Marian Engel), “Riomundo” (Jon Maia), batzuk aipatzearren, izan dira euskarazko eta gaztelaniazko helduen taldeetan irakurri diren liburuak; taldeen dinamizatzaileak Antxon Narbaiza eta Peru Magdalena izan dira, hurrenez hurren.

8 eta 12 urte bitarteko umeek parte hartu duten bi taldeetan, 16 liburu irakurri dituzte eta liburu bat osatu dute ikasturtean landutako guztiarekin. “Mux munstroa” (Peio Añorga), “Frida” (Jonah Winter), “Pikondoaren balada” (Leire Bilbao) eta “Kulerozahar” (Xabier Mendiguren”) dira aurtengo saioetan landu dituzten liburuetako batzuk. Txomin Magdalena izan da gazte horien irakurketak —datorren urtean ere jarraitzea eskatu dutenak— gidatu dituena.

Egutegia urritik maiatzera bitartekoa izaten da, hilean ordubeteko saioetan.

Ikasturte amaieran jaso ditugun jarduera-balorazioei dagokienez, helduen kasuan, esperientzia oso aberasgarria eta positiboa izan da, eta oporren ondoren jarraitzeko gogoa adierazi dute.

Gazteen taldeek ere positibotzat jo dute esperientzia eta interesa azaldu dute hurrengo ikasturteetan jarraitzeko.

Familien taldeei balorazioei dagokienez, esan duten, komunikazio-gaitasuna lantzean, arlo horretan hobekuntza bat somatu dutela, eta baita beren seme-alabek gehiago baloratzen dituztela liburuak eta irakurketa-tarteak familian liburuez gozateko. Euskara indartzeko ere baliagarria izan da, jarduera euskaraz baita.

Irakurketa talde gehiago 

Udal Liburutegiak, aipatutako irakurketa-talde hauek antolatzeaz eta kudeatzeaz gain, herriko beste 6 irakurketa-talderi eskaintzen dizkie liburu-sortak: Pagatxa, Biztu, Litertxoko, Residencia San Andres Egoitza, Egogain Zentro Gerontologikoa (URTMS) eta AGIFES. Haietatik,  hiru irakurketa errazeko taldeak dira, alegia, irakurtzeko eta ulertzeko zailtasunak dituzten pertsonei zuzenduta dauden taldeak.

Haur liburuaren Nazioarteko egunaren ospakizuna

Kaixo Lagunok,

Datorren astean hilabetez aldatzen dugu, Apirila hain zuzen ere. Liburutegiendako hilabete garrantzisua hainbat ospakizun baitditugu liburuen inguruan.

Hasteko, Apirilak 2an, Haur Liburuaren Nazioarteko Eguna ospatzen dugu eta hori de la eta magia saio berezi bat egingo dugu liburutegian:

Egun horretan ere Li(buru) hauskarriak 10 lehiaketarekin hasiko gara, animatu zaitez parte hartzera!

Irakurketa eta ikerketa bateratzen duen jokoa da. Jokoa L.H.ko 2. mailatik aurrerakoentzat da. Liburuak irakurri eta gero, buru-hausgarri baten piezak lortzen dira galdera batzuei erantzunez. Asuntoa da puzlean agertzen den irudia zeri dagokion jakitea.

Itsaspeko bihotzak areto literarioa berriro Eibarren

Hiru alditan arrakasta izan duen Itsaspeko Bihotzak izeneko areto literarioa ekarriko dugu berriz Eibarrera martxoaren 7tik 14ra. Galtzagorri elkarteak eskainitako areto literario honek genero berdintasunaren gaia lantzen du, Euskal haur literaturaren bitartez.Aspalditik kezkatuta gaude gai honekin, umeentzako ipuinek oraindik ere biltzen dituzten estereotipoekin. Hala, hezkidetza ardatz duen ibilbide artistiko-pedagogiko bat diseinatu dute. Haur eta gazteentzak argitaraturiko lanen artean parametro pedagogiko hezkidetzaileak dituztenak hautatu dituzte saiorako.

Saioak Eibarko ikastetxeekin lotu dira eta herriko 4. mailako ikasleei zuzenduta daude. Hala ere, saio berezi bat eskainiko da 5-8 urteko haurrak dituzten familientzat martxoaren 12an 17:30tan. Izen-ematea liburutegian egin behar da .

Honekin lotuta gida hau prestatu dugu, liburu guztiak Eibarko liburutegian dituzue eskuragarri:

 

Olentzero, ekarriko didazu ipuin hau?

Opari bezala jasotzea nahi zenukeen liburuaren azala edo pertsonaia baten irudi bat egin plastilinarekin (laua, ez hiru dimentsioetan).

  • Jaso ezazu kartulina liburutegian.
  • Saiatu zaitez kartulina osoa betetzen.
  • Bertan liburuaren izenburua eta egilea jarri behar duzu. Atzeko partean zure izen-abizenak.
  • Lan guztiak umeen liburutegian jarriko dira erakusgai gabonetan.
  • Eta ez ahaztu gustokoa duzun ipuin hori Olentzero gutunean ere eskatzea.
  • Lanak jasotzeko azken eguna Abenduak 14.
  • Parte-hartzaileen artean sariak banatuko ditugu.

       Anima zaitez parte hatzera!

Microfísica sexista del poder liburuaren aurkezpena

Microfísica sexista del poder. El caso Alcásser y la construcción del terror sexual, liburuaren egilea Nerea Barjola Ramos da, politologoa eta feminismoetan eta generoan doktorea.

Egilearei Pikara Magazine aldizkariak egindako elkarrizketa ikusi nahi baduzu SAKATU HEMEN. 

Antolatzaileak: Juan San Martin Liburutegia eta Berdintasun Zerbitzua – Andretxea.

Haurtzaindegi zerbitzua egongo da.


Azaroak 25, Indarkeria Matxisten Kontrako Nazioarteko Eguna dela-eta, Juan San Martin Liburutegiak eta Berdintasun Zerbitzua-Andretxeak elkarlanean irakurketa-gida argitaratu dute.

Gida honetan, Udal Liburutegian eta Andretxean dauden indarkeria matxistari buruzko liburuetako batzuk jasotzen dira.

Irakurketa-gidaren informazio gehiago ikusteko SAKATU HEMEN.

Toribio Echevarriaren “Metafísica a Urcola” liburutegian

Azala

Gaur iritsi zaigu Madrileko liburu-denda batean erositako “Metafísica a Urcola”, Toribio Echevarriak idatzitako liburua.

Mexikoko lehenengo edizio hau berridazketa bat da. Lehenengo koadernoa 1934ko urriaren 5etik 1936ko otsailaren 21era Iruñako probintzia kartzelan egon zenekoa da, gaur egun, eta berak esaten duenez liburuaren hitzaurrean, galdutakoa gerraren ondorioz. Caracasen zegoenean, eta galduta bere liburuak eta paperak berreskuratzeko esperantza, lan hura berridaztea erabaki zuen, Caracasen soldatapeko lana izateko aukera iristen zen bitartean.

Esaten du testua ezin dela berdina izan, noski, baina saiatu zela originaletik larregi ez aldentzen.

Esaten du goizeko 6etan jaikitzen eta gaueko 9etan erretiratzen zirela, isiltzeko deia jotzen zutenean. Beraz, ordu piloa zuten denetatik egiteko. Eta jarraitzen du esaten liburuaren tituluaren zergatia:

Y había entre los compañeros de reclusión-aparte otra mucha gente interesante en diversos aspectos- más de un atormentado por el problema de la justicia, en orden a la economía del mal y el bien y nuestro destino universal. Especialmente uno, llamado Millán Urcola, músico, grabador, enamorado y otras cosas a la vez, padecía la obsesión de este antiguo problema del espíritu, que constituye el fondo de todas las religiones y está en la base de todas las filosofías”.

Eskuartean dugun liburu honek PSOEk Madrilgo Ciudad Lineal distrituan zuen liburutegiko zigilua darama. Eskerrak bertatik Madrileko liburu-denda honetan bukatu zuela, eta azkenean Eibarko liburutegira etorri dela. Aspaldi genbiltzan-eta liburu honen atzetik.

Ataria

Irakurketa klubetan izena emateko epea zabalik

 

Hasi dira Eibarko Juan San Martin liburutegiko irakurketa klubetan izena-emateko epea. Adin guztierako klubak ditugu, aukeratu zurea eta animatu zaitez! zure zain gaude.

Idazlearekin harixa emoten: Helduentzako, Euskaraz. Izen-ematea irailaren 7ra arte.

Helduen irakurketa kluba: Helduentzako, Gaztelaniaz. Izen-ematea irailaren 14ra arte.

Azalerako ipuinak: 1,2,3 urte. Euskaraz. Izen-ematea irailaren 21era arte.

Liburuen poltsa: 4 eta 5 urteko gelak. LH 1 eta 2 mailak. Izen-ematea irailaren 21era arte.

Paperezko hegoak: LH. 3, 4, 5 , 6 mailak. Izen-ematea irailaren 21era arte.

Informazio gehiago:  https://www.eibar.eus/eu/kultura