Toribio Echevarriaren “Metafísica a Urcola” liburutegian

Azala

Gaur iritsi zaigu Madrileko liburu-denda batean erositako “Metafísica a Urcola”, Toribio Echevarriak idatzitako liburua.

Mexikoko lehenengo edizio hau berridazketa bat da. Lehenengo koadernoa 1934ko urriaren 5etik 1936ko otsailaren 21era Iruñako probintzia kartzelan egon zenekoa da, gaur egun, eta berak esaten duenez liburuaren hitzaurrean, galdutakoa gerraren ondorioz. Caracasen zegoenean, eta galduta bere liburuak eta paperak berreskuratzeko esperantza, lan hura berridaztea erabaki zuen, Caracasen soldatapeko lana izateko aukera iristen zen bitartean.

Esaten du testua ezin dela berdina izan, noski, baina saiatu zela originaletik larregi ez aldentzen.

Esaten du goizeko 6etan jaikitzen eta gaueko 9etan erretiratzen zirela, isiltzeko deia jotzen zutenean. Beraz, ordu piloa zuten denetatik egiteko. Eta jarraitzen du esaten liburuaren tituluaren zergatia:

Y había entre los compañeros de reclusión-aparte otra mucha gente interesante en diversos aspectos- más de un atormentado por el problema de la justicia, en orden a la economía del mal y el bien y nuestro destino universal. Especialmente uno, llamado Millán Urcola, músico, grabador, enamorado y otras cosas a la vez, padecía la obsesión de este antiguo problema del espíritu, que constituye el fondo de todas las religiones y está en la base de todas las filosofías”.

Eskuartean dugun liburu honek PSOEk Madrilgo Ciudad Lineal distrituan zuen liburutegiko zigilua darama. Eskerrak bertatik Madrileko liburu-denda honetan bukatu zuela, eta azkenean Eibarko liburutegira etorri dela. Aspaldi genbiltzan-eta liburu honen atzetik.

Ataria

Irakurketa klubetan izena emateko epea zabalik

 

Hasi dira Eibarko Juan San Martin liburutegiko irakurketa klubetan izena-emateko epea. Adin guztierako klubak ditugu, aukeratu zurea eta animatu zaitez! zure zain gaude.

Idazlearekin harixa emoten: Helduentzako, Euskaraz. Izen-ematea irailaren 7ra arte.

Helduen irakurketa kluba: Helduentzako, Gaztelaniaz. Izen-ematea irailaren 14ra arte.

Azalerako ipuinak: 1,2,3 urte. Euskaraz. Izen-ematea irailaren 21era arte.

Liburuen poltsa: 4 eta 5 urteko gelak. LH 1 eta 2 mailak. Izen-ematea irailaren 21era arte.

Paperezko hegoak: LH. 3, 4, 5 , 6 mailak. Izen-ematea irailaren 21era arte.

Informazio gehiago:  https://www.eibar.eus/eu/kultura

LGTBI Pertsonen Eskubideen Aldeko Nazioarteko Eguna

Gaur, ekainak 28, LGTBI Pertsonen Eskubideen Aldeko Nazioarteko Eguna (Lesbianak, Gayak, Transexual-Trangeneroak, Bisexual eta Intersexualak) ospatzen da.

1969ko ekainaren 28an hain zuzen ere Stonewallen (New Yorken) gertatutako gatazken ondorioz hasi zen askapen gay eta lesbianoren mugimendua.

Harrosatun gay (ingelesez gay pride) kontzeptua erabiltzen da aldarrikatzeko pertsona bat ez dela bere orientazio sexuala, identitate sexuala edo sexuz lotsatu behar.

Liburutegian gai honi buruzko interesgune bat jarri dugu eta bertan jaso dugun liburu eta DVDen gida hau prestatu dugu.

 

Andersen komikian eta Li(buru hausgarrien) sari banaketa

Atzo, Andersen komikian eta  li(buru-hausgarriak) 9 lehiaketaren amaiera jaia izan zen. Oso gustora egon ziren megairakurle guztiak jokoaren amaiera ospatzen. Diploma eta saritxo batzuk jaso zituzten egindako lanagatik.

Aurten, apiriletik hona 444 liburu irakurri dira lehiaketan, %85 euskaraz, eta 114 buru-hausgarri  osatu dira. Guztira 49 umek lortu dute saria.

Bost irudi asmatu nahian egon gara eta 5 umek lortu dute bostak asmatzea

ZORIONAK!! lan bikaina egin duzue eta

Irabazle eibartarra “Andersen-en ipuin bat Komikian” lehiaketan

H.C. Andersen-en ipuin bat Komikian lehiaketaren irabazleak argitaratu dira eta sarituen artean eibartar bat daukagu:

IRAIA SANTOS PAGEI

(Lehen irakurleak, Euskara hizkuntz eremua, kategorian)

ZORIONAK  Iraia!! lan bikaina egin duzu eta!

Hona hemen kategoria guztietako sarituak :

LEHEN IRAKURLEAK

• Matías Romero Maestre. Biblioteca P. Gonzalo Sochier. Castuera (Cáceres).

• Ferran Romera Puell. Biblioteca Móra la Nova (Tarragona).

• Iraia Santos Pagei. Juan San Martin Liburutegia. Eibar (Gipuzkoa).

• Mara Freire Carracedo. BCEIP A Xunqueira 1. (Pontevedra).

IRAKURLE AURRERATUAK

• Ana Fernández Ruiz. Biblioteca José Jiménez Lozano. Renedo de Esgueva (Valladolid)

• Martí Ferriol Calafell i Gerard Vidal Moreno. Biblioteca Municipal de Sineu (Illes Balears)

• Uxue Gurrutxaga, Maria Borislavova eta Zaloa Unamuno. Mariaren Lagundia ikastola. Bergara (Gipuzkoa)

• Sandra Paola Lozano Justo. ANPA Celso Emilio. Ferreiro

SUPER IRAKURLEAK

• Selena Lizaga Sales. CEIP Lucien Breit (Zaragoza)

• Omar Fernández Alberdi. Fray Juan de Zumarraga-Durango BHI. Durango (Bizkaia)

• Carlota Salgado García, Noemí Collazo Rodríguez, Lucía Domínguez Pérez, Raisa Rodríguez Pérez, Lucía Covelo Pereira, Ales Pais Costas y Pablo Fernandez Abalde. IES CARLOS CASARES. Vigo (Pontevedra)

Sari bakoitza diploma batek eta liburu-sorta batek osatzen dute. Egileentzat eta
lana aurkeztu duen erakundearentzat, gure kasuan Eibarko Juan San Martin liburutegia.

Lehiaketa HAUR ETA GAZTE LIBURUAREN NAZIOARTEKO EGUNA zela eta, Haur eta Gazte
Liburuaren Espainiako Erakundeak (OEPLI) eta euskal eremuan Galtzagorri elkarteak, Hezkuntza, Kultura eta Kirol Ministerioaren babesarekin antolatu zen.

Silvia Zuluagaren “¡A dieta! En la vida real” liburuaren aurkezpena

Maiatzaren 28an Nutrizioaren Munduko Eguna da. Aproposa ikusi dugu, beraz, liburu honen aurkezpena egitea.

Silvia Zuluaga

Eibartarra, iruindarra eta donostiarra. Eibarren jaio zen eta 11 urte bete baino lehenago Iruñera joan zen bizitzera bere familiarekin. Medikuntza ikasi zuen Nafarroako Unibertsitatean eta Bordeleko Unibertsitatean jarraitu zituen ikasketak, non Dietetika eta Elikagaien Higienea Unibertsitateko Diploma lortu ahal izateko graduondoko bi ikastaroak egin zituen. Donostian jarri zen bizitzen, bere uda garaiko hirian. Bere bizitza profesionalaren hasieran Osakidetzako Mediku Orokorreko lana Osasunbideko Dietetika eta Nutrizioa kontsultarekin uztartu zituen. Lehenengo Donostian zabaldu zuen kontsulta, hurrengo urtean Eibarren eta orain dela 3 urte Irunen. Haren lana honetan datza: pazienteei hobeto jaten erakustea eta argaltzen laguntzea.

Orain dela 3 urte blog bat sortzea erabaki zuen eta bertan elikadura eta pisuari buruzko artikuluak idazten ditu. Hori da iristen zaigun kontraesanezko informazio guztiaren aurrean bere harri-koskorra ekartzea. Eta blogeko artikuluetatik “¡A dieta! En la vida real” nobelara salto egiten du.

Nobela

“¡A dieta! En la vida real” nobelak argaltzeko dieten gaia tratatzen du, baina modu arinean, dibertigarrian, entretenigarrian eta desmitifikatzailean.

Protagonistak bere argaltze prozesuan pasatako zorioneko eta zoritxarrekoak kontatzen ditu; denoi oso ezagunak egingo zaizkigun egoerak izango dira. Eguneroko egoerak, batzuetan dibertigarriak, beste batzuetan deseroso samarrak, baina XXI. mendean bizi den edozeinentzat ohikoak direnak, non tentazioak edonon ditugun, baita espero ez dugun tokietan ere. Egiazko bizitza horrelakoa da!

Pertsonaiak ezagunak egiten zaizkigu; eta erraza zaigu haiekin identifikatzea nobelan deskribatzen diren portaera batzuetan, izan emakumea edo gizona.

Idazleak lengoaia erraza, argia eta teknizismorik gabekoa erabiltzen du, errealitatearen isla erakusteko.

Ez da dieta edo errezeta liburu bat. Ez da tratatu zientifikoa ezta gaiari buruzko ikerketa ere. Dieta egiten dagoena, bere pisuaren kontrola daramana edo elikadurarekin arduratuta dagoen edonor irakurri beharko lukeen liburua da.

 

Zapatuko ipuina: Yogipuinak

Zapatu honetan Maite Arrese kontalaria dator gure liburutegira saio berezi batekin: Yogipuinak

BATASUNA da YOGA hitzak esan nahi duena. YOGAk ETA IPUIN​ek​ ​”bat” ​egiten dute publiko familiarrari zuzendutako​ saio honetan.

Saioari hasiera emateko YOGA zer den azaltzen diet haur zein helduei doi-doi, eta segidan, ​​ipuin pare bat kontatzen ditut. Aurrera eginez, ipuinak baliatuko ditugu yogako “asana” (jarrera) desberdinak egiteko: arnasketa gogoan hartuz, emozio desberdinei erreparatuz, eta nola ez, muskuluak eta artikulazioak landuz.

Saioaren amaieran, erlaxazio ​labur bat eta azken ipuina, desioen inguruan… eta hala bazan edo ez bazan, sar dadila kalabazan eta atera dadila EIBARko liburutegian.​

YOGA + IPUINAK = YOGIPUINAK. ​Zeure b​arrenera eroango zaituzten ipuinak