Kategoriaren artxiboa: Ipuinak

Mozorro festa liburutegian

Apika: “Liburutegi eta ipuinei omenaldia. Ipuin-mozorro festa handia liburutegian! Liburutegiko ipuinen artean betiko istorioak eta ezezagunak ere aurkituko ditugu. Ipuin Kontaketa honekin gure protagonista liburutegia bera da: liburuak, istorioak, marrazkiak..,benetan gozatzekoa.”

 

Ipuinak eta yoga uztartuko dituen saioa

 

Ostiralean ipuin saio berezia izango dugu 17:00etan liburutegian: yoga ipuinak. Herrikide dugun Alazne Azkarate yoga irakaslearen laguntzarekin xarma berezioko ipuin koktaketa prestatu nahi izan diegu herriko txikitxoei.

Ipuin saioa 5 urtetik gorako haurrentzako izango da, hala ere, 3 eta 4 urteko haurrek ere izango dute bertaratzeko aukera, beti ere, heldu baten zaintzapean.

 

Bide batez, batez ere yoga eta erlaxazioari buruz liburutegian dauzkagun dokuementuekin osatutako interes gunea prestatzeko ere aprobetxatu dugu. Etorri kuxkuxeatzera!

Ipuinen ordua abian, eskaintza zabalgoarekin

Datorren astean izango da ikastureteko lehenengo ipuinen ordua. Kontalari boluntarioei esker ikasturte honetan ere bizirik jarraituko du egitasmoak. Eskerrik asko!

Gainera 2018/2019 ikasturteari begira, bi saioen formularen balorazioak oso positiboak izan direla, eta batez ere, koxkortzen doazen txikitxoei ere eskaintza zabaltzeko helburua kontuan hartuta, formula berri bat probatuko dugu: bi saioen formulari hirugarren saioa gehituko diogu; hori ahalbidetzeko, saioen iraupena apur bat laburtuta. Beraz, saioen iraupena 30 minututik 20 minutura jeitsiko da, horrela, 8 urtetik gorako gaztetxoentzako egokiagoak diren ipuinak kontatuko diren tarte berria martxan jartzeko aukera ahalbidetuko delarik.

Gogoratu:

  • Saioak puntuan hasten direnez eta behin hasiz gero ezin denez bertan sartu-irtenik gauzatu, ezarritako ordua baino 5 minutu lehenago bertaratzea komenigarria dela.
  • 18:00-18:20 bitarteko saioa amaitzean arduradunak haurren bila liburutegira bertaratu behar direla
  • Saioak haurrentzako soilik direnez, beraz, helduak ezingo direla bertan egon