Literatura solasaldia Inma Roiz idazlearekin Legazpiko Udal Liburutegian

Inma Roiz idazle eta kazetariarenManuela liburua erabiliko dute berbagai, apirilak 26an asteazkenean, Legazpiko Udal Liburutegian egingo den literatura solasaldian.

Egilearen lehen eleberri honek XVIII. mendeko euskaldun batzuen gorabeherak kontatzen dizkigu.
Batzuk, Ameriketara emigratuko dutenak, beste mundu berri baten gurarian. Baina baita Euskal Herrian gelditko diren beste batzuei buruzkoak ere, orduko gizarte tradizional eta itxian aurrera egiten asmatu beharko dutenak.

Kontu hauek, idazlearen presentziaz, zein beste hainbat pasadizo entzuteko gogoa baduzue, gonbita luzatzen dizuegu liburutegira etortzeko.
Saioa arratsaldeko 18:00etan izango da eta  guztiei irekia da.

Bisitan liburutegira

Oporren ostean, datorren astean zehar, Legazpiko 5 urteko haurrak etorriko dira liburutegia ezagutzen.
Urtero egiten digute bisita eta atsegin handiz jasotzen ditugu.
Bisita gidatuen bidez, haurrek aukera dute liburutegiak eskaintzen dituen zerbitzuei buruzko informazioa izateko.
Bestalde, erabiltzaile eta erabiltzaile berriei, eskubideen eta betebeharren berri ematen zaie, eta era berean, azaltzen zaie nola erabili modu egoki eta arrazional batean liburutegiko baliabideak: ipuinak, informazio liburuak, liburutegiko ekintzak, mailegu-zerbitzua eta abar.

Literatura solasaldiak Jasone Osoro eta Jon Arretxe idazleekin


Astelehena apirilak 3an, Jasone Osoro idazlearekin literatura solasaldia izango dugu liburutegian. Bertara, batxillergoko Olazabal Institutoko eta Haztegi Ikastolako ikasleak etorriko dira 12etan bermuta liburuaz aritzeko. Asteartean, Jon Arretxe egilearen txanda izango da. DBHko ikasleak etorriko dira Beti iparralderantz liburuaz hitz aspertua izatera.
Saioak goizean egingo dira.

Izan ere, egitasmo hauek, datorren apirilean ospatuko ditugun Haur eta Gazte Liburuaren Nazioarteko Egunaren (Apirilaren 2a) eta Liburuaren eta Jabego Intelektualaren Nazioarteko Egunaren (Apirilak 23a) aitzakian egingo ditugu.

Literatura solasaldia Gizarte Zentroan

Martxoak 29an arratsaldeko 18:30ean, asteazkena, ospatuko da Gizarte Zentroan hileroko literatura solasaldia.
Inma Roiz idazlearen “Manuela” izango da apirilerako saiorako aukeratu den liburua.
Izan ere, apirileko azkenengo astean idazlea bera etorriko da liburuaz solasean aritzeko liburutegira.
Irakurri nahi duenak, pasa daiteke Legazpiko liburutegitik liburua jasotzera.

Euskeraz irakurtzen baduzu liburutegiak opari bat emango dizu: Irakurri, Gozatu, Oparitu

Irakurri, Gozatu, Oparitu egitasmoaren irudia

Liburutegiak, euskaraz irakurtzen baduzu, liburuak Legazpin erosteko deskontuak emango dizkizu: %35 deskontua, martxoa-maiatza bitartean liburutegiko euskerazko liburu bat irakurriz gero.

Martxoak 20an hasi eta maitzak 31ra bitartean, Irakurri, Gozatu eta Oparitu egitasmoan bigarren edizioan partehartzeko aukera dago. Eta gainera partehartzaile guztien artean, 30 eurotako 2 zozketa egingo dira.
Irabazleek Legazpiko liburudendetan, liburuak erosteko erabili ahal izango dituzte.
Egitasmoan, Legazpiko herritar guztiek izango dute parte hartzeko eta abantailak baliatzeko aukera.

Gogoratu zeintzuk diren partehartzeko pausuak:
1. Irakurri. Lehenengo pausoa irakurtzea da, euskaraz irakurtzea, alegia. Horretarako, Legazpiko Udal Liburutegira etorri eta euskarazko edozein liburu hartu etxera eramateko.
2. Gozatu liburua irakurriz. Liburutegira itzultzean, galdetegi sinple bat bete eta gero, liburutegiko langileak erosketa-txekea emango dizu(%35eko deskontua egiteko erosketa-txekea) herriko liburu dendetan erabiltzeko.
3. Oparitu. Azken pausua, liburua oparitzea da: lagun bati, senide bati, edo norbere buruari.

Galdu ezin den aukera liburuak euskeraz irakurri eta merkeago erosteko!