Kategoriaren artxiboa: Liburutegiak

“Liburutegiak, 2018”: urteko aldizkaria

Liburutegi zerbitzuak urtero argitaratzen duen “Liburutegiak” aldizkaria aurkezten dizuegu, 2018ko ekitaldiei buruzko informazioarekin.

Sumarioa:

        • SARRERA
        • eLiburutegien estatistikak 2018
        • Hileroko maileguen bilakaera
        • 2018 Erabiltzaile berriak. Erabiltzaile berrien bilakaera
        • Maileguak hilabetez hilabete 2018
        • Maileguak 1.000 biztanleko
        • Maileguak liburuegiko
        • Mailegatuenak
        • Mailegatuenak euskaraz
        • Maileguak 1.000 biztanleko Erkidegoka
        • Maileguak Autonomia Erkidegoka (1.000 biztanleko)
        • Erkidegoka eskaintzen diren izenburuak
        • Lizentzia kopurua
          LIBURUTEGIAK
        • Abusuko mikroliburutegia (Arrigorriaga)
        • Eltziegoko liburutegia
        • Zugandik hurbil. Liburutegia herritarrengana eta herritarrak liburutegira hurbilduz
        • Hernaniko Liburutegia, unibertso osoa kabitzen den plaza bat
        • Turtziozen?: denetik
        • Sareko zifrek azken urteetako joera mantendu dute
        • Mailegatuenak… euskaraz
      • Mailegatuenak… gaztelaniaz
        BI HITZETAN

 

Absysnet-eko OPACa aztertzeko lantaldea

Absysnet-eko OPACa aztertzeko lantalde bat osatu dela komunikatzen dizuegu. Talde horretan parte hartuko dute sarean sartu ziren lehenengoetako hiru liburutegik (Gasteiz, Getxo eta Irun) eta sartu diren azken hirurek (Bilbo, Azkuna Mediateka eta Donostia). Lehendabiziko bilera otsailaren 28an izango da, eta sei liburutegi horiekin batera EJIEko pertsonala eta Baratz-eko Carlos Martínez egongo dira.

Dakigunez, Absysnet-eko 2.1 bertsioak zenbait hobekuntza aurkezten ditu. Horrela, Baratzeri bidalitako gai batzuei irtenbidea bilatzen die. Bilera horretan hartzen diren erabakien berri emateaz gain, lantalde horren ibilbideari buruzko informazioa luzatuko dizuegu.

Ongi etorri Donostiako liburutegiak

Liburutegi zerbitzutik ongietorria ematea nahi diegu Donostiako Udal Liburutegiko Sareari.

Gaurtik aurrera, irudian ikusten duzuen bezala, Euskadiko Irakurketa Publikoko Sareko lineako katalogotik liburutegi hauen informazio bibliografikoa ere eskuragarri egongo da.

Eskerrak eman nahi dizkiegu proiektu hau garatzeko azken hilabete hauetan lan egin duten pertsona guztiei. Horri esker ere txartel bakarrerako aurrerapausoa eman da, eta informazioa eta liburutegietako zerbitzuak eskuragarriago daude EAEko herritarrentzat.

donosti

Donostiako udal liburutegiak Euskadiko Irakurketa Publikoko Sarearen katalogoan sartuko dira

EIPSeko liburutegi eta erabiltzaile guztiei jakinarazten die azaroaren 13an Donostiako liburutegiak gestiorako sistema informatiko berrira aldatuko direla, Eusko Jaurlaritzako Irakurketa Publikoko Sarean sartuko direlako.

Beraz, Liburutegi zerbitzutik jakinarazten dizuegu aldaketa horren ondorioz, Absysnet eta eLiburutegia ezin izango direla erabili azaroaren 11tik 14ra bitartean (biak barne). Egun horietan, EIPSeko liburutegietan ezin izango  da mailegurik, berriztatzerik edo katalogaziorik egin.

Gaubeako liburutegia

Orain dela bi aste Liburutegi Zerbitzuko kide talde batek Gaubeako liburutegia ezagutu genuen. Lehendabiziko ustekabea espazio argitsu, atsegin eta erabilgarri batekin aurkitzea izan zen. Argiak, koloreek, altzairuek eta antolamenduak erabiltzaileentzat leku erakargarria osatzen dute. Tailerrak egiteko aretoak eta erabilera anitzeko aretoak azpiegitura osatzen dute, eta Gaubeako zein inguruetako herrietako biztanleek kalitate handiko liburutegi zerbitzuak jasotzea bermatzen dute. Hori guztia, Valentin Gómezen lanari esker, noski.

Berarekin hitz egin ondoren pertsona dinamikoa eta gogotsua dela ikusten da. Liburutegiaren eragilea izateaz gain herriko bizitza kulturalarena ere bada. Berehala kutsatu gintuen bere gogo handiz eta komunitatearekiko egiten duen lanarekin. Horren inguruko xehetasun interesgarriak azaldu zizkigun, eta egunero kalitatezko zerbitzua mantentzeko gainditu behar dituen erronkez ere aritu zitzaigun.

Liburutegi berezia zela bagenekien, kultura maite duen batek zuzendutakoa. Bere lantokian bertan egiaztatzea eta Valentin agurtzea atsegingarria izan zen guretzat.

valdegovia

EIPSeko liburutegi guztientzat ADQTko erregistroei buruz

EIPSeko liburutegi guztientzat ADQTko erregistroei buruz:

Sareko liburutegietan aurre katalogatutako erregistroekin arazo batzuk ikusi ditugunez zenbait puntu argitu nahi genituzke.

  • Gero eta liburutegi gehiago daude AbsyNeteko “Eskuraketak” modulua erabiltzen dutenak.
  • Liburutegi horiek erosteko prozesuan dauden lanen aurre katalogazioa egiten dute ADQTko katalogoan.
  • Liburutegiek alea alta ematen dutenean (nahiz eta aurre zirkulazioan izan) ADQTko erregistroa CATAra pasatzen da.
  • CATAn erregistro berri bat gehitzen duen liburutegi orok BETI begiratuko beharko du aipatu erregistro hori CATAn edo ADQTn dagoen. Horrela bikoizketak ekidingo ditugu.

Horretarako beti egin beharko da bilaketa Gehitzeko bilatu aukeraren bitartez. Horrela, datu-base kateatuan burutuko da bilaketa (Katalogoa + Eskuraketak + Ezeztapenak).

  • Behar den erregistroa ADQTn existitzen bada ADQTko datu-basera jo beharko da eta CATAra lekualdatu. Jarraian behar diren aldaketak egingo dira.
  • Behar den erregistroa CATAn existitzen bada baina aurre katalogazio bat baldin bada behar diren aldaketak erregistroan egingo dira.

Ongi etorri Bilboko liburutegiak

Liburutegi zerbitzutik ongietorria ematea nahi diegu Bilboko Udal Liburutegiko Sareari eta Mediateka Azkuna Zentroari.

Gaurtik aurrera, irudian ikusten duzuen bezala, Euskadiko Irakurketa Publikoko Sareko lineako katalogotik liburutegi hauen informazio bibliografikoa ere eskuragarri egongo da.

Eskerrak eman nahi dizkiegu proiektu hau garatzeko azken hilabete hauetan lan egin duten pertsona guztiei. Horri esker ere txartel bakarrerako aurrerapausoa eman da, eta informazioa eta liburutegietako zerbitzuak eskuragarriago daude EAEko herritarrentzat.

índice

Bilboko udal liburutegiak Euskadiko Irakurketa Publikoko Sarearen katalogoan sartuko dira

Bilboko Udalak Udal Liburutegien erabiltzaile guztiei jakinarazten die apirilaren 12an gestiorako sistema informatiko berrira aldatuko direla, Eusko Jaurlaritzako Irakurketa Publikoko Sarean sartuko direlako.

Beraz, Liburutegi zerbitzutik jakinarazten dizuegu aldaketa horren ondorioz, Absysnet eta eLiburutegia ezin izango dira erabili apirilaren 8tik 11ra bitartean (biak barne). Egun horietan, EIPSeko liburutegietan ezingo da mailegurik  edo katalogaziorik egin.