Etiketaren artxiboa: Gomendioak

EAEKO I. Booktube lehiaketa eta plataforma abiatuko dute Galtzagorri elkarteak eta EAEko liburutegi sarean elkarlanean

Booktube hitzak book (liburua) eta tube (youtube) lotzen ditu. Hau da, booktube bat youtube plataforman zintzilikatzen den liburu bati buruzko kritika edo iruzkina da; liburu baten irakurketa gomendatzeko norberak bere buruari egindako bideo-grabazioa. Grabazio hori, ondoren, Youtuben zintzilikatzen da eta nonahi barreiatzen da sare-sozialen bidez.
Gazte booktuberrek, dagoeneko, sare ikaragarriak sortu dituzte, bai nazioarte mailakoak, bai tokian tokikoak ere (hizkuntzaren arabera gehienetan). Azpi-kultura digital bat sortzen ari da beraz: booktuber horiek, finean, euren esperientzia literarioak besteekin konpartitu nahi dituzten neska-mutilak baitira.

Horregatik, Galtzagorri Euskal Haur eta Gazte Literatura Elkarteak, Eusko Jaurlaritzako Liburutegi Zerbitzuarekin elkarlanean, EAEko gaztetxoen artean irakurtzeko zaletasuna sustatzeko, mundu mailan sekulako arrakasta izan duen BOOKTUBE fenomenoa baliatzeko proiektua bideratuko du. Helburua EAEko BOOKTUBE PLATAFORMA sortzea da, EUSKAL BOOKTUBER KOMUNITATEAren lehen hazia landatuz.

Eta euskarazko booktuber komunitate bat sortzeko akuilu gisa EAEko Igo BOOKTUBE LEHIAKETA martxan jarriko dugu aurten. Oraintxe ari gara ekimen hau prestatzen. Baina ezin da lehiaketa ezin da gauza isolatua izan: gazteak lehiaketa horretara erakarri nahi baditugu, ezin dugu dena haien esku utzi, gerturatu egin behar ditugu eta horretarako espazio edo gune egokiak dira liburutegiak eta bitartekari ezinbestekoak dira liburuzainak.

booktube-argazkia

Liburuzainentzako lantegia eta booktuber kedadak

Booktube lehiaketa EAEko Liburutegi Sarearen bidez jarriko da martxan: beraz, liburutegiak eta bertako bibliotekariak izango dira parte hartu nahi duten gazte horientzat erreferentzia nagusi. Liburutegiak erreferentzialtasuna lortuko du. Baina horretarako, garrantzitsua izango da liburuzainak booktube fenomenoa ezagutzea, booktube lehiaketaren berri ematea eta parte sentitzea (gune bat eskainiz, blogean iragarriz…), booktube kedadak antolatzen laguntzea… azken batean, gazteei egitasmoan parte hartzeko baliabideak, informazioa eta erraztasunak ematea.

Beraz, lehiaketa martxan jartzearekin batera, lehendabizi, liburuzainei formazio saio informatibo bat eskainiko die Galtzagorri Elkarteak. Eta ondoren, booktuber kedadak antolatuko ditu hainbat liburutegitan: lehendabizi gazteak elkar ezagutzeko, booktubeak zer diren jakiteko; gero nola egin daitezkeen ikusteko, bakarka hasi aurretik lagunartean probak egiteko eta azkenik emaitzak ikusteko.

eLiburutegia: libururik baloratuenak

Badakizu eLiburutegian hartzen dituzun liburuak bozkatzeko eta baloratzeko aukera duzula? Hauek izan dira orain arte libururik baloratuenak. Zeintzuk dira zureak?

  • Jane Eyre, Charlotte Brontë (Austral)
  • Aulki-jokoa, Uxue Alberdi (Elkar)
  • Pequeña y grande Frida Kahlo, Isabel Sánchez Vegara (Alba Editorial)
  • El corazón es un cazador solitario, Carson McCullers (Seix Barral)
  • Etorkizuna, Iban Zaldua (Alberdania)
  • Cometas en el cielo, Khaled Hosseini (Salamandra)
  • Lisario o el placer infinito de las mujeres, Antonella Cilento (Alfaguara)
  • Todo por un sueño (El club de las zapatillas rojas 3), Ana Punset (Montena)
  • baloratuenak

Zergatik gomendatzen dugu liburutegiko blog bat izatea?

Zergatik gomendatzen dugu liburutegiko blog bat izatea?

1.-Liburutegiek Interneten egon behar dutelako

2.-Tresna erabilerraza delako

3.-Liburutegiak gauza ezberdinetarako erabil dezakeen gune propioa delako:

a. Liburutegiak landutako berriak iruzkindu eta azpimarratu

b. Beren zerbitzuak hedatu

c. Erabiltzaileekin komunitatea osatu

d. Irakurgaiak, ekintzak etab. gomendatu, iradoki, proposatu

Eta blog bat sortzen baldin badugu, zergatik Liburutegi zerbitzuaren plataforma korporatiboan?

Behin bloga sortzea erabaki, blogen plataforma korporatiboan (http://liburutegiak.blog.euskadi.eus) ostatu ematea gomendatzen dizuegu arrazoi ezberdinengatik:

1.- Prestakuntza eta laguntza teknikoa eskaintzen dizuegulako

2.- Plataforma, Irakurketa Sareko zerbitzuen hedapen puntua delako; bai web bidez baita “liburutegiak” gailu mugikorrentzako aplikazioaren bidez ere

3.- Eduki guztiak automatikoki “liburutegiak” gailu mugikorrentzako aplikaziora pasatzen direlako

4.- “Liburutegiak” app-etik, sare sozialen bidez, Irakurketa Sareko ekintza, berri eta proposamen guztiak partekatzen direlako.